自從露營後，對於垃圾處理方面關心左，留意到垃圾分解可以去到1百萬年，一個好恐怖嘅數字。當我用緊即棄用品時，好自然會諗到又製造多一件垃圾。
我開始思考，究竟做咩可以幫到地球呢？最簡單係由自己做起！
用少d膠袋，而家我去親街市都帶定幾個盒加一個環保袋。返到屋企可以直接放入雪櫃好方便，
真心希望大家愛護我地住緊嘅地球！
2016年11月13日 星期日
2016年10月28日 星期五
Jack-o'-lantern DIY
作為父母，
以前唔會做，
無啦啦都會走去做。
萬聖節就到，
就整個南瓜燈，
在街市買了一個小南瓜，
有些扁，有點怕唔夠雕眼口鼻，
首先，係頭頂打橫切一刀，
然後刮走子同肉，
再用marker畫好眼鼻口圖案後，
用刀雕出黎。
哥哥見到話個南瓜都唔恐怖，
我話我特登，怕佢驚。
但原來點了臘燭後都小小恐怖！
唔知點保存最好？
因為過了幾天就出現了蚊子了。
2016年10月23日 星期日
又是迪士尼
襯年票快要到期，
小朋友多次要求。
等埋DADDY，一家四口出動。
歎完美味MC記，出發。
今天算熱，有點曬。
第一站，DADDY並未玩過的迷你大宅，之前寶有點驚。
今次還好，男人的鼓勵，是有點不同的！
第二站，妹妹的跳樓機和彈簧狗。
兩歲多的妹妹未知驚，問她玩嗎一口應承。
玩完驚到喊同肚仔痛！
再問，下次不會了。
這天的主題應是排隊影相，
分頭出動，爸爸排米老鼠，兩個多小時。
我就帶著小朋友排CHIP & DALE，DAISY & DONALD ，
畫畫，
加一次次巴斯光年射槍槍。
晚間巡遊，
HALLOWEEN變了壞人做主角，
由於壞人不多，
很快便看完了。
打算逛完舖頭便走，
剛好開始煙花。
看完便走了。
2016年10月16日 星期日
塔門露營記 (2日1夜)
一早天朗朗氣清，係露營好日子。
但是DADDY成晚都頭痛，痛了成晚。
原定打算搭8:30船由馬料水出法去塔門。
行李未執好，也要打點一齊。
最後，唯有搭12:30船啦！
兩大兩小，行李不會少，手推車早已預備。
小朋友對於好多東西都好好奇，好多東西都想去試想去做。成日都話要幫DADDY推車仔，結果車仔跌一跌....R左！
12點去到碼頭，已經有好多人一袋二袋排隊。
陽光猛烈，曬到屎呀。
行了大約15-30分鐘左右( 有大有小)，終於到了。
周圍好多牛牛，我好驚呀，但係又唔可以表露比小朋友知。(媽媽真的好偉大喔！)
可能太熱，可能大餓，妹妹今次都有扭計。
DADDY搭天幕，妹妹肚仔痛，我就帶妹妹去厠所，塔門有兩個公厠，由營地去厠所要行落山，大約10分鐘。
一路行，一路諗住妹妹忍到，行了一陣妹妹話疴了出黎。哎咃哎咃，點算好﹖
即刻除褲就地啦！有人經過都唔可以理到咁多喇！
我只帶了幾張紙巾，唔夠，有人經過就請人幫忙。
這條路唔長，整個過程郤好長。
妹妹疴了3次，好彩有毛巾同水！妹妹太累,去緊時己經瞓左喇。
呢個就我地今晚的家
返到去，叫DADDY搭好帳篷比妹妹瞓。
寶好開心成日想去揾搭船遇到的哥哥姐姐玩。
夜晚時，妹妹話要走，我就同妹妹講我地今晚瞓係到，第二朝，妹妹話好開心，好鐘意露營。
第二朝，有屋企人入黎當行山，最開心就是小朋友。
全程辛苦了DADDY，要比個叻叻佢！
2014年12月14日 星期日
Majolica Majorca情迷魅睫套裝
Majolica Majorca情迷魅睫套裝 (皇牌美睫底霜 + 廣角魅惑激長睫毛液 + 附送MJ戀受願望電話除塵塞)
已經好耐無睇化妝品, 無論係開架或者其他品牌。
今日見有少少時間，係屈XX見到呢SET套裝，見個價錢比係散買平幾十蚊,，於是就敗左返屋企喇。
買野真係開心....講返轉頭，以前已經有用開，而且口啤仲好好。
一SET 有兩樣主要野:皇牌美睫底霜+ 廣角魅惑激長睫毛液
皇牌美睫底霜
呢支底霜，搽左上去, 會有D白色纖維黏住係睫毛到，從而做到增長同濃密效果，不過要主要係，唔可以單獨搽，因為果D纖維係白色架，
搽完呢支底霜，就要搽返睫毛液，比返D色佢喇。
廣角魅惑激長睫毛液 (BK999魅惑黑)
好鐘意呢支睫毛液0既擦頭，可以做到好纖幼同埋根根分明0既效果。
透先買呢SET時，見到有啡色同墨綠色選擇！
透先買呢SET時，見到有啡色同墨綠色選擇！
2014年12月8日 星期一
訂閱：
文章 (Atom)