K1 (6th) Interview@美善

平安福音堂同美善面試時間非常接近，最後唯有放棄平安福音堂0既面試！

美善係我心儀學校的頭兩位，因為每天會有20分鐘外籍老師上堂，可惜下年9月開始，美善已經取消了全日班！

原先我地希望近、平、全日！但係，無野係必然架！唔一定係兩全其美，呢間係近D，不過都要搭車返學，而家呢全日班都無左！

當天早上一早帶呀寶睇醫生，已經傷風咳好幾個星期了， 衝衝忙忙帶睇完醫生，返左屋企，再出去樓下買少少野就接返呀寶出發喇！

每次面試前都會同佢講，一陣我地會去第二間學校同其他老師玩，講定要同老師SAY HI，有玩具唔可以即刻拎黎玩，要問下玩唔玩得先，老師送野比佢要講唔該。呀寶都可以做到大部份！

早左少少去到，係門口等左一陣就入學校喇，仲遇到6月媽媽會其中一位媽咪TIM。

入左一間課室睇左學校簡介(其實係播片)，之後老師就叫晒我地出去唱歌跳舞，然後玩一陣玩具，呀寶梗係玩佢最鐘意0既車車啦。

然後，入去一間課室聽故事，有成五、六個老師係到觀察唔同小朋友0既表現。跟住就一陣做勞作，整一塊鏡！

呀寶IN12點幾，而呢段時間就係呀寶0既午睡時間，到聽故事時，呀寶已經打晒呵欠，表現平平。


而家希望會有好消息啦！

選擇幼稚園真係好煩！唔收又唔開心，收又未係最心儀果間，又要比幾佰蚊留位費。

係討論區到，聽說每名幼稚園留位費係......$9000，哇！有無攪錯呀。