坐定定

放工返到屋企無返食，

於是，企左係BAR枱到搽緊方包諗住醫肚，

見墊左紙係張BAR枱到唔想郁，

一路企係到食一路睇電視。

呀寶自已上左張椅到，

見到MIMI企係到食野，

就指住另外一張椅同我講，坐定定食啦！

嘩，

而家D小朋友好老積呀，

2歲4個月0既小朋友竟然試講呢D說話。

虛驚一場

今日午飯後無聊，上下網，睇下幼稚園，忽然諗起，幫呀寶報左 幾間學校，偏偏讀緊果間未報，完全無謂意，諗住有呢間可以打底！

 

於是去學校網頁睇下，死火已經截至，於是打去學校問。

我：我想問報下年K1係咪截止？

對方：係呀！

我：我個小朋友讀緊都無得報？

對方：而家後備都好滿！一係你試下呢到周圍其他學校，以我所知仲有得報。

我：咁好啦，唔該⋯⋯

收左線後，好失落⋯⋯

等唔切放工，即刻通知Daddy呢個消息，叫佢今晚問下大嫂，跟住就繼續做野。專心工作確實可以暫時忘記！

 

做做下野數到Daddy電話，根據大嫂資料，係直升，唔需要再報。

 

係咪架? 幾年前係咁唔代表而家都係架 (<===好多疑問)

 

.

.

.

.

.

 

當知道間學校截至報名時，已經係到諗︰

 

如果呀寶知道下年無得係到讀，接唔接受到呢﹖咁難得佢由唔鍾意鍾老師變左鍾意。

 

如果無全日制學校收，咁呀寶咪要讀半日制? (雖然有報半日制學校，但心裡面梗係prefer全日啦，除非無得選啦

 

********************

 

今日湊呀寶返學時，問左老師，佢話收左就直上，到時會有通告出會唔會繼續係到讀，實在太好喇！

寶寶K1 (2nd )interview@張煊昌

寶寶今日仍然有咳同埋傷風，一早起身睇完醫生後，單拖帶呀寶去面試喇。

之前已經比左心理準備呀寶，尚林表哥同埋丞希哥哥都係讀呢間，等佢知道多少少間學校資料。

一如以往，禽晚已經上佢地網站望過下間學校資料。見到d相，好似好大間，跟住諗，d相唔知會唔會誇大左個環境。

我地時間係11:15，係學校門口，已經有兩個老師/嬸嬸(?)欄住門口，知道唔係差唔多時間就叫我地到時再入去。呢個處理比起上一次吳多泰來講，感覺痳痳！

見到有時間，即刻返轉頭去藥房買口罩比呀寶。(買大左都唔知)

入到去學校，校長見到個口罩唔0岩，好主動幫呀寶換個另外一個比佢。

登記後，呀寶就去地墊上面玩積木喇。

間學校真係好大，d相係真架！d老師都無咩野，整體感覺ok (不過吳多泰好d)。

到interview喇，

老師問左以下野︰

-同你玩呢個遊戲呀 , 張d木製魚、八爪魚 同埋其他海洋生物放回完本0既木板上，考呀寶識唔識放。(快而準)

-今次同圖案喇, 叫呀寶配返去一樣0既住置上面。(快而準)

-呢張提子、粟米同麵包出黎，問呀寶係咩黎0既，之後就叫呀寶比粟米媽咪，呀寶答，要煮架！(勁！)(我聽唔到,係老師講返比我聽)，

跟住老師就話比提子呀寶食，呀寶話︰咳咳唔食得(勁！)

跟住老師話，咁比麵包老師啦，呀寶跟住指示做(無難度)

-之後呢左3塊puzzule (兔仔頭、衫同埋褲)，問呀寶呢隻係咩 ，竟然唔答老師(呀寶玩緊野)，之後呢塊puzzule返轉左，見到數字3，就同老師講"3"，老師跟住砌埋件衫，就叫呀寶幫佢著埋條褲喇

-拎左本usbourne book出黎，問呀寶呢架係咩-火車(快而準)，每一頁都有隻老鼠仔，叫呀寶揾出黎(等一隻揾唔到)

-叫呀寶渣車車同埋比返個沙除我，就in完喇。

-最後老師送左架happy bus同糖糖就走得喇, 老師好主動叫呀寶講多謝，我就提呀寶拍埋張椅say bye就走喇!

走時唔記得問呀寶鍾唔鍾意呢間學校，之後問返佢，佢再諗諗話鍾意。

整體黎講，呀寶應該無難度，順其自然0既我梗係到時先算啦


**********************************

張煊昌收左呀寶讀上午班，我地原先係選擇全日班，另外，有親戚朋友小朋友讀緊，口碑痳痳，所以都唔考慮了。
 

寶寶K1 interview@吳多泰

星期六一早起身，目的就係呀寶K1第一次幼稚園interview！

我覺得面試要專重場合，叫Daddy唔好著牛仔褲或者短褲，點知佢好大反應話唔通要著西褲?

唔係唔係，唔洗著西褲，不過唔好牛仔褲囉，好自然佢唔會理我啦！

遲左出門，我地買左麵包搭小巴出法去穗禾苑。

去到係兩層校舍，充滿幼稚園味道，有一個室外小型空地，擺了滑梯。不過呀寶無玩，去左玩車車。

首先，呀寶入左一間房到玩靜態玩具，等佢坐定定先，到in時，就去第二間房玩玩具。老師行過黎睇佢玩，問左d簡單問題︰

早晨，老師同呀寶講完之後，呀寶無理，繼續自已玩，要mimi提先好細聲講。

老師繼續問，呢個咩黎架? 咩色?你住邊到架?
(27樓)mimi笑左出黎，由於呀寶對住我講，老師聽唔到，跟住我就講比老師聽。(死火，由我把口講比老師聽....唔知會唔會扣分)。
跟住問呀寶呢樣點玩架，果樣點玩架。
好簡單，好快，就in完！

之後問呀寶鍾唔鍾意間學校-鍾意！

之後有一日起身，呀寶話要返第二間學校(in得一間，即係吳多泰啦！)

不過Daddy對呢間學校無感覺！
係Daddy心目中，要近要平要全日，但係呢間要搭校車同埋得半日！
mimi心中，呢間都ok啦！




*****************

吳多泰已經收左呀寶讀上午班！